SzesiBlog

唔知大家有冇去過龍門居犇道呢？之前去過犇 道買急凍牛扒同氣炸鍋炸物，佢地仲會幫客人代煎牛扒，質素有保證！而家佢哋轉型做餐廳可以堂食啦，今日趁住陽光咁好就決定去試下，望住屯門河同單車徑，chill住嘆牛扒都幾正！餐廳仲有甜品同咖啡，周末同好友嚟聚下都開心！ （餐牌圖放喺文章最底） I 廚師發辦牛扒配薯菜 HKD 138 擺盤好靚，絕對有高級扒房嘅感覺 牛扒上有牛油混合物，好香，配埋牛扒一齊食，味道好夾 同碟仲有醬汁，令牛扒味道提鮮 一切開牛扒，勁多肉汁滲出嚟，只沾番肉汁同牛油混合物，已經好滿足 同碟薯菜軟綿，薯條炸得香口又熱，好抵食！ 牛扒好厚，外皮有焦香，吃到中間仲係肉嫩多汁 肉味濃郁，唔多加調味都可以 呢塊扒無咁多脂肪或骨，相對上無咁肥或油，可以話係啖啖肉添 法式白酒忌廉藍青口 $38 呢個係加配嘅，青口幾大隻，味道濃郁 口感爽口又JUICY 用白酒忌廉一齊煮，口感濕潤啲 黑松露薯條 HKD 58 薯條好大碟，炸得香口又脆 薯條好新鮮，無多餘雪味 黑松露味道幾香，配埋黑松露芝士醬，真係食唔停 如約三五知己一齊食飯傾計，呢道菜必點！ 青蘋果梳打特調 $28 呢款味道幾清新，而且凍飲連梳打幾舒服，好解渴 特別係吃完炸物再飲，感覺良好 法式焦糖布丁馬德蓮貝殼蛋糕配雪糕 $38 馬德蓮貝殼蛋糕好巨型，中間凸起，外型討好 口感鬆軟濕潤，淡淡杏仁味，同時散發焦糖布丁味道，好特別 暖暖哋甜品配上冰凍雪糕，正 嚟緊聖誕，計劃緊同屋企人全家嚟CHILL下！ 希望到時有酒牌啦（去犇道FACEBOOK 留意最新消息啦） 店內環境幾靚，啱哂大家影相打卡 而且環境設計空間感好大，加埋餐廳外望河同單車徑VIEW，周末嚟坐真係幾舒服休閒 犇道 屯門弦海商場地下G01B號舖 #犇道 #犇道ChefBen #CafeAndSteakBar #屯門弦海G01B #TheEsplanadePlace #hkfoodie #Foodiehk #屯門新餐廳 #屯門扒房 #龍門居餐廳  －－－－－－－－－－－－－－－－－－－－－－－－－－－－－－－－ 免責聲明: 是次產品/產品資料是自購的，本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或和尋求相關專業意見。如從而引起任何損失或法律糾紛，本人概不負責。 希望大家喜歡我中肯的分享

講起懷舊你會諗起咩？懷舊小食？懷舊零食？估唔到晚飯菜式都可以行懷舊路線，今次同屋企人食懷舊盛宴，媽咪仲話諗起婆婆手藝同兒時回憶，令成餐飯大家都有傾有講，好開心！呢間私房菜好抵食  懷舊盛宴 HKD 298 四川麻辣爆龍蝦 巴馬火腿蜜瓜 蜜糖煎藕片金蠔 蟲草花淮杞燉水鴨 蝦子扒柚皮 台山焗蟹砵 順德家鄉煎釀鯪魚 潮州方魚蠔仔粥 法式焦糖燉蛋 四川麻辣爆龍蝦 第一道開胃菜就揀左佢 汁醬濃郁夠香，麻辣感非常開胃 而且汁醬完全可以掛喺龍蝦到，每啖龍蝦肉都滲透麻辣香，成件事唔係分開嘅 龍蝦可以話係啖啖肉，尤其係龍蝦鉗，勁大隻 全部部位熟度啱啱好，肉質嫩滑又彈牙，好新鮮  巴馬火腿蜜瓜 巴馬火腿咸度適中，入口即融，配上清甜軟綿蜜瓜 蜜糖煎藕片金蠔 未食已經聞到好香，金蠔漲卜卜，色澤鮮艷，味道香濃 容易咬，口感彈牙又實在，唔係軟身果款 配埋蜜糖煎藕片，藕片甜甜地又爽脆，感覺幾light，藕片同金蠔一齊食，口感豐富    蟲草花淮杞燉水鴨 呢個湯勁清甜，湯裡仲有鮮淮山，爽口清甜，唔會煮到軟爛 飲湯同時有其他配料，包括水鴨、瘦肉、蟲草花 水鴨肉質嫩滑，無羶味，燉湯咁長時間，水鴨都唔鞋口或韌 而且水鴨脂肪無咁多，成個湯一啲都唔油，正 蝦子扒柚皮 原來婆婆以前都有整，媽媽同其他兄姐都爭住食 柚皮唔係啲咩矝貴食材，但係都幾考功夫，呢道肯整都值得一讚 柚皮超大塊，味道清甜，無苦澀味，而且厚度十足，口感超軟綿 台山焗蟹砵 「砵」，以前年代見多啲，而家都少見，今次用嚟焗蟹，都勾起屋企人兒時回憶 呢道菜上枱嗰陣已經聞到超香 最頂果層脆卜卜，下一層就有蟹肉，蟹味好濃郁 蟹砵裡仲有焗蛋、豬肉、蒜頭，味道多元化，好特別 順德家鄉煎釀鯪魚 呢道菜式係最需要功夫 因為製法係將魚肉同魚骨起出嚟，保留魚頭同魚皮 然後將剁爛魚肉釀番入去，加埋臘肉、冬菇、蝦米再還原魚原狀 可以話係啖啖肉 魚味濃郁，無腥味，啖啖肉，肉質嫩滑，撈埋汁醬，真係啱哂送飯 係有少少大骨，細骨反而唔覺 潮州方魚蠔仔粥 蠔仔雖然細粒，但粒粒完整，無腥味，夠鮮甜 而粥裡有多款配菜，包括方魚、乾瑤柱、冬菜、芹菜粒 表面仲灑層蔥粒，非常吸引 法式焦糖燉蛋 最尾食個清清地燉蛋，明明好飽都想食埋，滿足 【訂購優惠】 Togetda訂購有半價優惠： https://bit.ly/3yuqZbd #輝哥私房菜 #懷舊盛宴 #Foodiehk #佐敦餐

我頭髮長度大概留到腰位置，真係太鍾意長曲髮啦，唔捨得剪短。但最近洗頭時發現都甩頭髮多咗，而且髮尾位置有啲開叉情況，有啲係一節分叉，有啲係分咗三段開叉！基本上，一拉髮尾已經拉斷啲頭髮。所以好想做番好頭皮保養同頭髮保養、改善頭皮健康，自然強韌髮絲，減少脫髮！ 頭皮健康，毛囊先會健康啲，咁樣先有健康、營養、強韌頭髮。 但要點做或點揀洗護產品先可以有健康頭髮？如果大家有時間，可以參加頭皮分析體驗，咁樣先可以揀到最啱你嘅洗護產品！ 今次我去到法國著名護髮品牌Leonor Greyl 做頭皮分析，今次想同大家分享一下： 美髮顧問會幫我頭髮分咗幾部份分析，從圖可見唔同部位頭皮位置，近頭頂位置有啲頭油或污垢，近後腦位置頭皮位置少少粉紅，但都乾淨。整體都冇咩大問題，表現正常，而且有啲毛嚢仲有2至3條頭髮，美髮顧問仲話好健康添！ 不過佢同我講，頭髮咁長，保養同保濕要做好啲，咁就可以改善頭髮開叉同斷髮問題。       粉紅位置就是污垢位置 --- 然後佢就揀咗幾款產品俾我，包括洗頭水、髮膜同活髮油。 RÉGÉNÉRESCENCE NATURELLE 玫瑰精華活髮油 HK$290/ 20ml 激活及淨化頭皮，促進頭髮生長 含琉璃苣油、智利玫瑰、細花含羞草油及植物精油，100%天然配方，有助淨化及激活頭皮，去除頭皮污垢及老化角質，強化毛囊，促進頭髮健康生長，預防脫髮，平衡皮脂分泌及促進血液循環。 走珠式按摩樽頭設計，用法好方便，在乾髮時塗上頭皮，可以先塗在髮界位置，然後再開其他髮界。等滲透一陣，再用指腹輕輕按摩，大約15分鐘後就可以洗頭啦！ 一星期用兩次，幫助頭皮深層清潔，帶走污垢，俾頭皮易啲吸收洗護產品嘅營養。 -- BAIN VOLUMATEUR AUX ALGUES 海藻豐盈洗髮露 HK$360/20ml 92%天然配方，含有海藻萃取精華成分，能強化幼弱扁塌髮絲，解開纏結髮絲，增加秀髮豐盈效果。具滋潤功能而不會使薄、幼弱的髮質增加秀髮的負擔。 洗濕咗頭髮之後，再用洗頭水，起泡量唔多，如似我咁長髮，起碼用3個五蚊銀份量先夠。洗洗下覺得唔夠泡，再逐泵份量加上去搓。 其實呢枝係無矽配方，可能洗完果刻覺得有啲鞋。但我一向用開無矽產品，所以又唔覺特別鞋或難洗頭。而且洗完仲覺得頭髮健康同強韌咗，甩頭髮係少咗。 MASQUE A L’ORCHIDEE 蘭馨精華焗油 特別適合乾旱、厚或飛散的

照鏡會唔會發現皮膚彈性無咁好、面有啲鬆、細紋多咗。其實隨年紀增長，肌膚裡膠原蛋白含量會持續下降，大家想保持年輕，除咗注意飲食同生活習慣，護膚品都要揀緊緻、抗衰老嘅！ 最近遇上英國天然護膚品牌MONUSKIN，產品蘊含海洋 膠原蛋白、月見草油成份，有助滋潤及緊緻皮膚。 MONUSKIN MOISTURE RICH COLLAGEN CREAM 膠原潤澤日霜 成份： 海洋膠原蛋白：撫平細紋和皺紋，增加肌膚彈性，有效防止皮膚提早衰老。 月見草、玫瑰、天竺葵和黑加侖籽油：即時潤澤、舒緩及修復乾燥肌膚。 質地比較濃厚滋潤，塗上面可以即時為皮膚補水， 紓緩皮膚繃緊情況，朝早起身皮膚都無咁勁水分流失； 雖然質地厚身啲，但唔會有種黏膩或焗身感覺，皮膚依然透到氣 塗左一排，皮膚飽滿度係高咗。 MONUSKIN COLLAGEN EYE CREAM 膠原彈力袪紋眼霜 成份： 海洋膠原蛋白、月見草油和多醣： 即時滋潤同緊緻皮膚、消除眼部浮腫、撫平細紋、淡化黑眼圈 我對眼霜要求都高，質地要潤但唔笠或杰，如果仲做到緊緻效果就加分 呢枝眼霜質地水潤但唔油笠，補水效果幾好，我之後上眼底遮瑕都唔會卡粉、KICK粉或積線。 每次塗完都會做少少按摩，眼部浮腫係改善咗嘅！ 售價： MONUSKIN MOISTURE RICH COLLAGEN CREAM 膠原潤澤日霜 HK$425/50ml. MONUSKIN COLLAGEN EYE CREAM 膠原彈力袪紋眼霜 HK$455/15ml. 於指定醫生診所及醫學美容中心有售，查詢可致電香港總代理Capto (Hong Kong) Limited。 網址：https://www.monuskin.co.uk/ －－－－－－－－－－－－－－－－－－－－－－－－－－－－－－－－ 免責聲明: 是次產品/產品資料由 品牌 提供，本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或和尋求相關專業意見。如從而引起任何損失或法律糾紛，本人概不負責。 希望大家喜歡我中肯的分享 更可到FB及Instagram看我平日分享： FB Fan page( Szesi Blog)：  https://www.facebook.com/szesiblog/ Instagram：Szesiblog

唔知大家有冇食過夏麵館呢？今次去咗正宗上海菜麵館荃灣店，試咗蟹粉系列幾款餸菜，包括：哆唻咪 （半份）、蟹粉小籠粉、蟹粉炒飯、蟹粉菜芯、蟹粉獅子頭。 蟹粉宴中所有蟹粉都係採用百份百人手手拆江蘇蟹粉製作，蟹粉丶蟹肉及蟹油達至黃金比例，每啖都係香濃蟹膏味，回味無窮。 蟹粉小籠包（4粒） 蟹黃湯包，一咬開就係香噴噴嘅蟹黃汁，混埋豬肉同手拆蟹粉一齊食，肉餡紮實，飽肚之餘又食到蟹鮮甜味！不過，皮有少少厚，如果薄啲就好啦。 多唻咪 （名人張曼玉提名，生拆蟹肉蟹粉蝦仁) 夏麵館名菜之一，「多唻咪」仲得到紅星張曼玉小姐親自提名，讀音「DoReMi」。材料包括：一兩蟹黃、二兩蟹粉、三兩河蝦，可以話係啖啖蟹黃同蟹粉，同時食到好河蝦清甜，而且河蝦彈牙爽口，非常滿足。 呢道菜蟹粉蟹黃味道係最濃郁，味道咸味重啲，配饅頭或伴飯食好啲。 蟹粉獅子頭 口感鬆軟，嫩滑獅子頭，肥而不膩。口感鬆軟是因為用上肥瘦豬肉製作，口感非常討好，再配上鮮香蟹粉，非常滿足。底部仲有鮮味小棠菜，擺盤完整。 蟹粉炒飯 慣咗夜晚都係食啲飯填肚，但竟然有蟹粉伴飯。飯份量真係好多，四個人都夠食，而飯夠乾身，粒粒分明，蟹粉鋪在飯面，邊個話飯一定係普通菜式？ 生拆蟹肉蟹粉菜心 這樣吃菜感覺很富貴，菜心沒有起渣，味道甜！蟹肉都算多，食哂啲菜仲有一堆蟹粉係到。 網上限定，立即預訂： https://bit.ly/2Y5ykBu #夏麵館 #XiaMianGuan #上海菜 #中菜 #蟹粉 #鮮蟹粉專門店 #Shanghaicuisine #Chinesecuisine ------------------------------------------ 分店地址： 樂富聯合道198號樂富廣場3樓3125至3126舖 荃灣沙咀道328號寶石大廈地下12-15號舖 旺角始創中心一樓115C號鋪  －－－－－－－－－－－－－－－－－－－－－－－－－－－－－－－－ 免責聲明: 是次產品/產品資料是自購的，本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或和尋求相關專業意見。如從而引起任何損失或法律糾紛，本人概不負責。 希望大家喜歡我中肯的分享 更可到FB及Instagram看我平日分享： FB Fan page( Szesi Blog)：  https://www.