SzesiBlog

幾乎滿座嘅日式定食好近 朗屏站，大約幾分鐘路程就到，當晚好好彩咁岩有吉位就即刻入座！我揀 咗兩個定食，一個係牛舌，另一款係 蒲燒鰻魚。 #燒牛舌定食 定食包珍珠米/貓飯/烏冬/茶漬飯、前菜、味噌湯、沙津，我另外加溏心蛋(超流心) 八塊薄片牛舌鮮嫩、又有嚼勁，表面蔥花仲令牛味更加濃郁 味噌湯有新鮮花甲、漬物有日式年糕腐皮福袋，年糕好有咬口，蘿蔔無渣又清甜 #半條蒲燒鰻魚定食 鰻魚半條好厚又大條、無魚腥味 魚脂香味加鰻魚汁配埋飯一流！ 鰻魚可以揀原條，不過我想試多啲其他野食，所以揀半條就算。 #飛驒和牛可樂餅 即叫即炸，香酥又夠熱 薯蓉mix和牛肉碎幾夾 #酥炸生蠔  勁大隻生蠔、咬開仲有好多鮮甜蠔汁 而且炸物唔算厚，薄薄一層都唔錯 上餐速度都幾快、而且店員態度好、有問必答。不過建議唔好一次過嗌定食同小食，因為出餐太快，會一次過上，係驚張枱唔夠大！ 稚 Childhood Japanese Restaurant 元朗俊賢坊18號權益大樓地下3號舖 －－－－－－－－－－－－－－－－－－－－－－－－－－－－－－－－ （不接受任何媒體擅自取用本文資料及相片作轉載） 免責聲明： 是次體驗是自購的，本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊，請直接聯絡該品牌查詢或和尋求相關專業意見。如從而引起任何損失或法律糾紛，本人概不負責。 更可到FB及Instagram看我平日分享： Instagram：Szesiblog FB Fan page( SzesiBlog )：  https://www.facebook.com/szesiblog/ Contact Me  歡迎任何合作和試用或出席活動 Email: hoszesi@gmail.com

見到鴨血煲所以入座！ 麻吉灶咖 喺 K11 Ikea 果層，無預先睇評價就入咗去食，味道都幾好喎！ 招牌麻辣鴨血鍋值得一試 鴨血口感札實 呢個鍋似打邊爐咁，底座有火種加熱，印象中食到大半都 Keep 到幾熱。店員見到我著白衫，好識做即時遞上白色墊畀我擋住件衫。 呢個麻辣鍋配料比想像中多，鴨血、娃娃菜、紅燒牛肉、金針菇、炸枝竹、凍豆腐等等，食到飽飽地仲見到好多餸未食哂！鴨血大件有嚼勁，不過薄切，如果厚切嘅話真心似台灣地道鴨血。 麻吉蚵仔煎配海山醬 濕潤Q彈粉漿 大粒蚵仔 蚵仔唔大粒但勝在數量都唔少，粉漿皮唔夠台灣咁濕但都有嚼勁，仲因為鐵板喺底所以有啲微焦。 麻吉鹽酥雞份量多又香脆 佐酒一流 諗住仲有少少餓叫份鹽酥雞，點知份量好多，又炸得香口，最後飽住走。鹽酥雞細細粒又香脆，不過肉汁唔算多，不過未算乾身，佐酒一流。 消費 HK$432 連加一（ 2 人午餐消費） 麻吉灶咖   尖沙咀河內道18號K11購物藝術館B2樓B226 & B227A號舖 －－－－－－－－－－－－－－－－－－－－－－－－－－－－－－－－ （不接受任何媒體擅自取用本文資料及相片作轉載） 免責聲明： 是次體驗是自購的，本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊，請直接聯絡該品牌查詢或和尋求相關專業意見。如從而引起任何損失或法律糾紛，本人概不負責。 更可到FB及Instagram看我平日分享： Instagram：Szesiblog FB Fan page( SzesiBlog )：  https://www.facebook.com/szesiblog/ Contact Me  歡迎任何合作和試用或出席活動 Email: hoszesi@gmail.com

性價比高台北片皮鴨｜ 好彩預先喺香港訂位，見在場好多人等位，好多香港人都慕名而來。今次嗌咗二人餐，另外加配 鴨架粥、飲品、甜品，食到頂住個肚走，人均先百幾蚊港紙。 二人餐有半隻片皮鴨、開胃前菜各兩款、蔬菜一款、特色菜一款、甜品兩款，另外可以加錢要鴨架煮粥。一開始鴨皮沾糖超出色，香口又脆皮，仲有淡淡鴨皮油脂；之後仲有專人喺隔離處理烤鴨，即片即食。 開胃前菜揀咗功夫鴨三寶拼盤，勁軟稔入味，而且咸味適中；菜一定係揀水蓮，新鮮爽口無渣，另一款特色菜就揀豆腐煲，送飯一流！鴨架煮粥又一大推，超開胃，而且鴨絲好嫩滑，好快就清咗碗粥。           估唔到呢間鋪連飲品都咁出色，博士黑米茶超濃郁又夠香，好想買埋個茶包返香港！另一杯就係白鬍子奶茶，奶味出色，超香滑。 享鴨 台北忠孝東店 106台北市大安區忠孝東路四段128號2樓 －－－－－－－－－－－－－－－－－－－－－－－－－－－－－－－－ （不接受任何媒體擅自取用本文資料及相片作轉載） 免責聲明： 是次體驗是自購的，本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊，請直接聯絡該品牌查詢或和尋求相關專業意見。如從而引起任何損失或法律糾紛，本人概不負責。 更可到FB及Instagram看我平日分享： Instagram：Szesiblog FB Fan page( SzesiBlog )：  https://www.facebook.com/szesiblog/ Contact Me  歡迎任何合作和試用或出席活動 Email: hoszesi@gmail.com Fanpiece ｜ She.com ｜ Ubeauty ｜ Blogspot ｜ Girlab

屯門御海灣餐廳愈來愈多，餐廳種類繁多，亦鄰近輕鐵、屯門泳池，環境清靜。夜間人流不算太多，加上多數餐廳都設有露天座位，感覺很舒服。某次下午到訪，更橫跨黃昏時段，其恬靜時刻像逃離城市繁囂。 這次再到屯門御海灣找尋新餐廳，找到設計簡約、滿滿氣氛的 Honor Knight Restaurant。跟其他食客一樣點了頭盤吞拿魚他他、其次就是香味十足的威靈頓牛柳、蛋香濃郁的騎士鬆餅。水果茶味道酸甜，非常開胃，正好用來幫助消化一陣子的豐富晚餐。 吞拿魚他他 精緻、色彩豐富分層效果 擺盤唯美 吞拿魚他他剛端上枱已經吸引眼球 頂層鋪滿白酒啫喱、中層微煎的吞拿魚粒混合黑芝麻，更有牛油果、底部為鹹香脆餅底 每款食材非常新鮮、鹹度適中 白酒啫喱碎配合吞拿魚共同吃用，能提昇其鮮味，而且吞拿魚沒有腥味 猜不到跟牛油果味道又很夾！ 威靈頓牛柳 外脆內軟豐富口感、酥皮香味超吸引 擺盤精緻、用料新鮮 完美整齊的酥皮，配合五成熟的牛柳，淨是外觀已經是值回票價 可算廚師功夫十足 精手焗製的酥皮可算是非常外脆，猜不到配合牛肉來吃是非常相襯 牛柳味道濃郁、肉質柔軟、入口即融，完全不會難咬開 吃用時聽到食客提問，才知道只有晚餐時段有這道菜 如午餐想點，要先跟餐廳預訂 騎士鬆餅 愛蛋香的必點！厚度十足、鬆軟度一流的甜品 職員說很多食客都會選這道甜品 那我當然要試試看！ 剛上枱已經嗅到超濃郁蛋香、每塊厚度十足，表面更灑上甜霜 職員更提醒如覺得很甜的話，可以吃鬆餅時混合水果，平衡甜味 鬆餅裡更有提子乾，味道十足 鬆餅表面很紮實，焗得香脆，不過內裡非常鬆軟 口感豐富，愛吃甜品的必點！ 服務非常迅速、態度好 店員更非常有禮貌，不時更會向客人簡介菜單 送上食物時，更會介紹其菜式特別之處 Honor Knight Restaurant  屯門海皇路23號御海灣地下24-26號舖